Algengar spurningar

Hvernig er opnunartíminn í Hlíðarfjalli?

Hægt er að sjá opnunartíma Hlíðarfjalls hér: https://www.hlidarfjall.is/is/opnunartimi

Þarf ég að bóka tíma í fjallið?

Allir sem ætla að kaupa dagskort í fjallið þurfa að ákveða fyrirfram hvenær þeir ætla að mæta og kaupa miða á netinu.

Hvar kaupi ég miða?

https://hlidarfjall.skiperformance.com/is/store#/is/buy?bookable_y_n_a=a

Ég bókaði óvart vitlausan dagspart eða dag, get ég fært áskriftina?

Nei ekki er hægt að færa áskriftir á milli daga. Við bendum þér á að kaupa réttan dagspart/dag og senda okkur tölvupóst með kvittunum fyrir röngu kaupunum á hlidarfjall@hlidarfjall.is

Þarf ég að eiga vasakort til að kaupa miða og hvar get ég fengið hart kort?

Já það þurfa allir að eiga vasakort til að kaupa miða í fjallið. Hægt er að fá þau á N1 stöðvum á Akureyri sem og N1 Ártúnsbrekku, N1 Engihjalla Kópavogi, N1 Lækjargötu Hafnarfirði og N1 Mosfellsbæ.

Get ég notað sama vasakort og ég nota í Bláfjöllum?

Já vasakortið er hægt að nota á báðum stöðum en áskriftin í Bláfjöll gildir ekki í Hlíðarfjall.

Þarf ég að bóka tíma í fjallið ef ég á vetrarkort?

Nei. Þú getur komið og farið hvenær sem þér hentar.

Þarf að bóka tíma ef ég ætla með börnin í Töfrateppi og Hólabraut?

Já það þarf að bóka tíma með því að senda tölvupóst á hlidarfjall@hlidarfjall.is þar sem koma fram nöfn og aldur þeirra sem ætla að fara sem og símanúmer ábyrgðarmanns. Svar okkar gildir sem aðgöngumiði á svæðið.

Er orðið uppselt?

Ef ,,Framboð“ á sölusíðunni er komið í 0 þá er uppselt.

Er skíða- og brettaleigan opin?

Já. Leigan okkar er með sama opnunartíma og brekkurnar.

Hvenær hefst miðasalan?

Á sunnudögum opnar miðasala fyrir mánudag-fimmtudags og á miðvikudögum opnar miðasala fyrir föstudag-sunnudags.

Er endurgreitt ef lokað er vegna veðurs?

Já við endurgreiðum lyftumiða ef lokað er vegna veðurs og öllu svæðinu er lokað. Ekki er endurgreitt ef aðeins efra svæði eða stólalyftu er lokað vegna veðurs.

Þarf ég að hafa samband til að fá endurgreitt?

Nei. Við endurgreiðum sjálfkrafa í gegnum sölusíðuna okkar og fer greiðslan inn á kortið sem notað var við kaupin. Endurgreiðsla getur tekið 3-4 virka daga að berast.

-----------------------------------------------------------------------

Hagnýtar upplýsingar

Ekki er hægt að kaupa fyrri og seinnipart dags á sama kortið.

Öryrkjar þurfa að koma í miðasölu og kaupa miða.

Framhalds- og háskólanemar þurfa að framvísa staðfestingu á skólavist við kaup á vetrarkortum.

Allar fyrirspurnir varðandi hópa skulu berast á hlidarfjall@hlidarfjall.is