Skotveiði bönnuð á skíðasvæðinu

Athygli er vakin á því að öll skotveiði er óheimil á skíðasvæðinu í Hlíðarfjalli. Svæðið er útivistarparadís Akureyringa og gesta bæjarins allan ársins hring. Þarna eru vinsælar gönguleiðir um holt og hæðir þar sem fjölskyldufólk er gjarnan á ferðinni jafnvel þótt skíðalyfturnar hafi ekki verið ræstar. Því er meðferð skotvopna á svæðinu alls ekki við hæfi. Skotveiðimenn eru vinsamlegast beðnir að virða þetta. Afmörkun svæðisins má sjá á meðfylgjandi mynd.