Verum klár og sýnum aðgát!

Óskar Ingólfsson Skíðagæslumaður að störfum.

Skíðagæsla Hlíðarfjalls gerði snjóathuganir að morgni fimmtudagsins 6. desember við Púðubakka. Snjóþekjan er almennt mjög stöðug og hefur bundist vel. Þó eru staðbundnar hengjur varasamar. Enn er að bæta í snjó jafnt og þétt á efra svæði. Það er nokkuð um að grunnt sé á grjót og aðrar hindranir utan merktra brauta. Við vörum eindregið við því að fara utan merktra og troðinna brauta núna næstu daga. Ekki hefur verið troðið á efra svæði né upp sneiðing að Mannshrygg. 
Endilega að vaxa og brýna skíði fyrir helgina. Athuga annan búnað eins og skíðagleraugun og hjálminn! 
Verum klár og sýnum aðgát
Skíðagæsla Hlíðarfjalls